პსჟ-მ ლიგა 1-ის ლიდერი გაანადგურა და საფრანგეთის თასის 1/4 ფინალში გავიდა [VIDEO]

საფრანგეთის თასის 1/8 ფინალური მატჩის ეგიდით, "პარი სენ ჟერმენმა" "პარკ დე პრენსზე" "ლილს" უმასპინძლა.

აღნიშნული დაპირისპირება პარიზელთა გამარჯვებით დასრულდა - 3:0.

ანგარიში მე-9 წუთზე მაურო იკარდიმ გახსნა, რომელიც 39-ე წუთზე კილიან მბაპემ ჩაანაცვლა და მოედანზე შემოსვლიდან ზუსტად ორ წუთში ამ უკანასკნელმა მეტოქის კარი აიღო.

78-ე წუთზე, "ლილის" ნახევარმცველმა, იუსუფ იაზიჩმა თერთმეტმეტრიანი ვერ გამოიყენა, საბოლოო შედეგი კი მსაჯის მიერ კომპენსირებულ მესამე წუთზე მბაპემ დააფიქსირა, რომელმაც დუბლი გაიფორმა.

ასე და ამგვარად, "პსჟ" ტურნირის პირველი 1/4 ფინალისტი გახდა. აღსანიშნავია, რომ "ლილი" შიდა ჩემპიონატის სატურნირო ცხრილის სათავეშია.

ვიდეომიმოხილვა