ესპანეთმა საბერძნეთს ვერ მოუგო და სხვა ტოპ-მატჩები [VIDEO]

მსოფლიო ჩემპიონატის საკვალიფიკაციო რაუნდის ჯგუფური ეტაპი გრძელდება და დღეს ევროპულ მოედნებზე რამდენიმე ტოპ-მატჩი გაიმართა.

იტალიამ საკუთარ კედლებში მიიღო ჩრდილეოთ ირლანდია და მოწინააღმდეგე დაამარცხა საკმაოდ მარტივად, 2:0, დომენიკო ბერარდისა და ჩირო იმობილეს გოლებით.

იტალია 2:0 ჩრდილოეთ ირლანდია

(ბერარდი 14’, იმობილე 39’)

ინგლისმა გაამართლა ფავორიტის სტატუსი სან მარინოსთან და მეტოქე ანგარიშით 5:0 გაანადგურა. დუბლი გაიფორმა დომინიკ კალვერტ-ლევინმა, თითო გოლი კი გაიტანეს ჯეიმს უარდ-პროუსმა, რაჰიმ სტერლინგმა და ოლი უიტკინსმა.

ინგლისი 5:0 სან-მარინო 

(უორდ-პროუსი (14’), კალვერტ-ლიუინი (21’, 53’), სტერლინგი (31’), უოტკინსი (83’)

ესპანეთი 1:1 საბერძნეთი

(მორატა 33' - ბაკასეტასი 57’ - პენალტი)

მსოფლიო ჩემპიონატის შესარჩევი ეტაპის მატჩში სენსაციური შედეგი დაფიქსირდა.

ესპანეთის ნაკრებმა საკუთარ კედლებში საბერძნეთს უმასპინძლა და შეხვედრა ფრედ, 1:1 დასრულდა.

33-ე წუთზე „ფურია როხა“ ალვარო მორატას გოლით დაწინაურდა, თუმცა 57-ზე ბერძნებმა პენალტი მოიპოვეს და უნაი სიმონის კარის აღება მოახერხეს.

დარჩენილ დროში ლუის ენრიკეს გუნდმა გოლი ვეღარ გაიტანა და შეხვედრა მოულოდნელი შედეგით დასრულდა.

გერმანია 3:0 ისლანდია 

(გორეცკა 3', ჰავერცი 7', გუნდოგანი 56')

მსოფლიო ჩემპიონატის შესარჩევი ეტაპის პირველ ტურში გერმანიამ შინ ისლანდია 3:0 გაანაადგურა.

მე-3 წუთზე ანგარიში ლეონ გორეცკამ გახსნა, მეშვიდეზე კი ორამდე სხვაობა კაი ჰავერცმა გაზარდა.

შეხვედრაში წერტილი კი ილკაი გუნდოგანმა, 56-ე წუთზე დასვა და ბუნდესნაკრებს მარტივი გამარჯვება გაუნაღდა.