გრანადა რეალის გოლკიპერს უმიზნებს

"რეალის" მეკარემ, ანდრეი ლუნინმა კარიერა შეიძლება "გრანადაში" გააგრძელოს, წერს Grada3.

კლუბი რუი სილვას შემცვლელს ეძებს, რომელსაც კონტრაქტის ვადა ეწურება.

მიმდინარე სეზონში 22 წლის უკრაინელს ერთადერთი მატჩი აქვს ჩატარებული, ესპანეთის თასზე "ალკოიანოს" (1:2) წინააღმდეგ.

თებერვალში გავრცელებული ინფორმაციით, ლუნინს სათამაშო პრაქტიკის გამო "სამეფო კლუბის" დატოვება უნდა.

ახალგაზრდა გოლკიპერს "რეალთან" მოქმედი კონტრაქტის ვადა 2024 წელს ეწურება.