3 გოლი, 1 წითელი - ქართველი ლეგიონერების მონაგარი გასულ უიქენდზე
გასულ უიქენდზე სანაკრებო შეკრებიდან დაბრუნებულმა ქართველმა ლეგიონერებმა თავი კიდევ ერთხელ გამოიჩინეს.
ახალგაზრდა ფეხბურთელმა ხვიჩა კვარაცხელიამ მორიგი საოცრება შემოგვთავაზა და ულამაზესი გოლი გაიტანა. "რუბინი" "სოჭის" შინ დაუპირისპირდა და 1:0 დაამარცხა, ხვიჩა სათადარიგოთა სკამზე იყო, მეორე ტაიმში შევიდა და გუნდს მოაგებინა.
მორიგი გოლი გაიტანა გიორგი ბერიძემ. უნგრეთის ჩემპიონატში ბერიძის "იუპიეშტი" "ჰონვედს" დაუპირისპირდა და ფრედ 2:2 ითამაშა. ბერიძემ 80 წუთი ითამაშა და 25-ე წუთზე გოლი გაიტანა. ქართველი ფეხბურთელის ანგარიშზე მიმდინარე სეზონში უკვე 10 გატანილი ბურთია.
გუშინ, კიდევ ერთი უნგრული გოლი ვიხილეთ. მოქმედი ჩემპიონი "ფერენცვაროში" "ბუდაფოკის" დაუპირისპირდა და 0:4 გაანადგურა. მოგებული გუნდის ქართველი შემტევი გიორგი ხარაიშვილი მოედანზე მეორე ტაიმში შევიდა და "ფერენცვაროშის" მაისურით სადებიუტო გოლი გაიტანა.
გოლებთან ერთად, ვიხილეთ გაძევებაც. ავსტრიის ჩემპიონატში "ვოლფსბერგერმა" სრული კრახი განიცადა და "რაპიდთან" 1:8 განადგურდა. სამწუხაროდ, ასეთი მარცხი ქართველი მცველის ლუკა ლოჩოშვილის წითელმა გამოიწვია, რომელიც უხეში თამაშის გამო მოედნიდან 29-ე წუთზე გააძევეს.
გოოოოლ! - კვარაცხელიას ულამაზესი გოლი რუბინში
