BREAKING: დღეს, ჩემპიონთა ლიგის ჩამნაცვლებელი ტურნირი ოფიციალურად დამტკიცდება! - MARCA
ესპანური გამოცემა Marca სენსაციურ ინფორმაციას ავრცელებს.
თუ ამ წყაროს დავუჯერებთ, დღეს საღამოს, მადრიდის „რეალისა“ და 3 სხვა დიდი ევროპული გუნდის მიერ ორგანიზებული ახალი ტურნირის, ევროპული სუპერლიგის დაანონსება მოხდება და ეს ამბავი გარდაუვალია.
საქმე იმდენად სწრაფად მიიწევს წინ, რომ დიდი შანსია, ეს ტურნირი უკვე მომავალი სეზონიდან გაიმართოს და ევროარენაზე ჩემპიონთა ლიგა ჩაანაცვლოს.
ტურნირის ფორმატი ჯერ ბოლომდე ცნობილი არ არის, თუმცა გავრცელებული ინფორმაციით, მას ეყოლება რამდენიმე მუდმივი მონაწილე, სხვა გუნდებს კი ყოველწლიურად, სტუმრის სტატუსით მოიწვევენ.
ევროპული სუპერლიგა არანაირად არ შეუშლის ხელს ეროვნული ჩემპიონატების ჩატარებას, თუმცა ჩემპიონთა ლიგას ჩაანაცვლებს.
ამ ტურნირის ორგანიზატორებად ასახელებენ მადრიდის „რეალს“, „ბაიერნს“, „მანჩესტერ იუნაიტედს“ და კიდევ რამდენიმე ევროპულ გრანდს. თუმცა, მას ბევრი მოწინააღმდეგეც ჰყავს - კერძოდ, ლა ლიგის და უეფას პრეზიდენტებმა ამ იდეის უტოპიობაზე არაერთხელ ისაუბრეს.
