LIVE: სუპერლიგა ჩაიშალა? სრული სიგიჟე საფეხბურთო სამყაროში!

22:10🤯🤯🤯 ყველაფერი დაიწყო „ჩელსიმ" - გავრცელდა ინფორმაცია, რომ ლონდონური კლუბი საბუთებს ამზადებს და სუპერლიგას დაუყონებლივ ტოვებს - მთავარი მიზეზი ის არის, რომ ინგლისურ გუნდებზე ზეწოლას ბრიტანეთის სახელმწიფო ახდენს. 

წარმოდგიდგენთ ყველანაირ ინფორმაციას, რომელიც სუპერლიგასთან დაკავშირებით ბოლო პერიოდში ვრცელდება.

22:25 სუპერლიგის დატოვება მეორემ მანჩესტერ სიტიმ გადაწყვიტა 

22:37🎙 ბარსელონას პრეზიდენტმა, ჟოან ლაპორტამ აღნიშნა, რომ გუნდი ჯერ სუპერლიგის წევრი არ არის და მხოლოდ იმ შემთხვევაში იქნება, თუ კლუბის წევრები გადაწყვეტენ ასე, რადგან ბარსელონა მათ ეკუთვნით.

22:42 გავრცელებული ინფორმაციით, სუპერლიგა 6-ვე ინგლისურმა გუნდმა დატოვა

22:47 დატოვებას განიხილავს მადრიდის ატლეტიკოც ⚡⚡

22:55 მანჩესტერ იუნაიტედის ვიცე-პრეზიდენტი, ედ ვუდვორდი, სუპერლიგის გარშემო შექმნილი სკანდალის გამო, დაკავებული თანამდებობიდან გადადგა.

23:15 გავრცელებული ინფორმაციით, იუვენტუსის პრეზიდენტის თანამდებობა დატოვა ანდრეა ანიელიმაც.

23:22 ზეწოლა მიდის ფლორენტინო პერესზე, რომ ისიც გადადგეს

23:30 სუპერლიგა ჩაიშლება - ეს პროექტი ვერ შედგება! - talkSPORT

23:35 იუვენტუსმა ანიელის გადადგომა უარყო ‼

23:40 🔴🔴 ამჟამად, 12-ვე დამფუძნებელი კლუბი ზუმის მეშვეობით მოლაპარაკებებს აწარმოებს და უკან დახევის სტრაგეტიაზე მუშაობს 

23:41 🔥 ბარსელონა სუპერლიგიდან წასვლის ვარიანტზე აქტიურად მუშაობს!

23:41 არსენ ვენგერი: „სულაც არ მიკვირს, რომ პროექტმა დიდხანს ვერ გასტანა! არასდროს მჯეროდა, რომ გამოვიდოდა, იმიტომ რომ ის სპორტული თანასწორობის ზოგად პრინციპებს არღვევს. როცა შიდა ჩემპიონატების იგნორირება გინდა, ფანები ამას არ შეეგუებიან.“ 

23:45 🔴🔴ფლორენტინო პერესი გაოგნებულია და სიტუაციის შესწავლის პროცესში იმყოფება. Independent წერს, რომ არაა გამორიცხული, ის დღეს საღამოსვე გადადგეს.

23:47 ერთადერთი გზა, რომ ორგანიზატორი გუნდები უმკაცრეს სასჯელს გადაურჩნენ, მდგომარეობს იმაში, რომ ყველამ ერთხმად უარყოს და უკან გაიწვიოს სუპერლიგის იდეა.

00:07 ლივერპულის ფეხბურთელების საერთო განცხადება სუპერლიგასთან დაკავშირებით:

„ჩვენ ის არ მოგვწონს და არ გვინდა, რომ მოხდეს. ეს ჩვენი საერთო გადაწყვეტილებაა. ჩვენი ერთგულება და სიყვარული ამ კლუბისა და ფანების მიმართ არის აბსოლუტური და ულაპარაკო.“

00:21 ბრიტანეთის პრემიერ-მინისტრი, ბორის ჯონსონი: „თუ ჩელსის და სიტის ინფორმაცია დადასტურდა, ყველას გილოცავთ. მათ ნაბიჯებს სხვა გუნდებიც უნდა გაყვნენ და სუპერლიგას მოშორდნენ.“

00:26 მანჩესტერ სიტიმ სუპერლიგიდან გასვლა ოფიციალურად დაადასტურა 

00:35 უეფას პრეზიდენტი, ალექსანდრ ჩეფერინი: „მოხარული ვარ, რომ სიტი ევროპული ფეხბურთის ოჯახს დაუბრუნდა, მათ დიდი ინტელიგენტობა გამოიჩინეს. მიხარია, რომ მათთან ერთად ისევ ვიმუშავებ.“

00:41 სუპერლიგის 12 გუნდს შორის შეხვედრა დასრულებულია - „ბარსელონამ“ და „ატლეტიკომ“ სუპერლიგაში დარჩენა გადაწყვიტეს. ერთადერთი გუნდი, რომელმაც წასვლა არჩია - „მანჩესტერ სიტია“, „ჩელსი“ ჯერ კიდევ ეჭვებშია. COPE

01:50 BBC ადასტურებს - ამაღამ, ყველა დარჩენილი ინგლისური გუნდი სუპერლიგის დატოვებაზე გააკეთებს განცხადებას.

02:02 ოფიციალურად!!! ყველა ინგლისურმა გუნდმა სუპერლიგის დატოვება დაადასტურა.

02:11 The Athletic წერს, რომ სუპერლიგას შემდეგი მილანი დატოვებს!

02:55 სუპერ ლიგის გუნდები აცხადებენ, რომ ინგლისური კლუბების ბოიკოტის მიუხედავად, ისინი მაინც დაარსებენ ტურნირს. ამჯერად, პრემიერ ლიგის გუნდების გარეშე.

03:00 The Athletic-ის თანახმად, სუპერ ლიგის დატოვებასთან ძალიან ახლოს ინტერიც არის.

08:00 ინტერის წასვლის შესახებ ინფორმაციას ავრცელებს ავტორიტეტული ჟურნალისტი, ფაბრიციო რომანო, თუმცა თავად მილანული კლუბის ოფიციალური განცხადება ამ ფაქტთან დაკავშირებით ჯერ არ ყოფილა.

10:38 ლივერპულის მფლობელმა, ჯონ ჰენრიმ სუპერ ლიგაში შესვლის გამო გულშემატკივრების წინაშე ბოდიში მოიხადა: "დიდი ბოდიში, გულშემატკივრების, ფეხბურთელებისა და კლოპის წინაშე. ერთიანობის გარეშე არაფერს აქვს ფასი."

11:00 ოფიციალურად: სუპერ ლიგა შეჩერებულია, თუმცა არა საბოლოოდ გაუქმებული.

13:15 ტურინის იუვენტუსის პრეზიდენტმა და სუპერ ლიგის ვიცე-პრეზიდენტმა, ანდრეა ანიელიმ სუპერ ლიგის პროექტის განხორციელებას არარეალური უწოდა: "გულახდილი ვიქნები და ვიტყვი, რომ პრემიერ ლიგიდ ექვსი გუნდის გასვლის შემდეგ, სუპერ ლიგის პროექტის განხორციელება არარეალური გახდა. ასეთ ვითარებაში ტურნირი არ შედგება - ეს არის მაქსიმუმი, რისი თქმაც შემიძლია ამ დროისთვის."

13:55 მადრიდის ატლეტიკომ უმრავლესობის მხარე დაიჭირა და სუპერ ლიგა დატოვა.

14:00 ფაბრიციო რომანოს სიტყვები ოფიციალურად დადასტურდა: მილანის ინტერმა სუპერ ლიგა დატოვა.

15:30 კიდევ ერთი გუნდი, რომელმაც სუპერლიგიდან წასვლა ოფიციალურად დაადასტურა - მილანია! ამ ეტაპზე, ჩაშლილ პროექტში სამი გუნდი რჩება, „ბარსელონა", „რეალი" და „იუვენტუსი".

15:45 🎙 იუვენტუსის ოფიციალური განცხადება კლუბების სუპერლიგიდან წასვლაზე: 

„კლუბმა იცის, რომ ზოგმა კლუბმა სუპერლიგიდან წასვლა გადაწყვიტეს. თუმცა, გასვლის პროცედურები ჯერ არ დასრულებულა.

„იუვენტუსი“ ამ პროექტში დღემდე დარწმუნებულია, თუმცა ფიქრობს, რომ ამჟამად მისი რეალიზების ძალიან მცირე შანსიღა არსებობს.“

16:00 ევროპის სუპერლიგაში ოფიციალურად ორი გუნდი დარჩა - მადრიდის „რეალი" და „ბარსელონა"

განახლებადი...