ეშლი იანგი ზაფხულში შეიძლება უოტფორდში დაბრუნდეს

"ინტერის" ნახევარმცველი, ეშლი იანგი ზაფხულში კლუბს თავისუფალი აგენტის სტატუსით დატოვებს, წერს ჟურნალისტი, ნიკოლო სკირა.

გავრცელებული ინფორმაციით, იანგთან კონტრაქტის გაფორმება "უოტფორდს" სურს, რომელიც გუშინ პრემიერ ლიგაში ოფიციალურად დაბრუნდა.

"ონავრებმა" ჩემპიონშიპის 44-ე ტურის მატჩში "მილუოლი" 1:0 დაამარცხეს. ასე და ამგვარად, გუნდს, რომელსაც სათავეში თბილისის "დინამოს" ექს-თავკაცი, ჩისკო მუნიოსი უდგას, სატურნირო ცხრილში 88 ქულა დაუგროვდა, მეორე ადგილი გაინაღდა და ერთწლიანი პაუზის შემდეგ, პრემიერ ლიგაში იასპარეზებს.

35 წლის ნახევარმცველმა მიმდინარე სეზონში იტალიის ჩემპიონატში 23 მატჩი ჩაატარა და 3 შედეგიანი პასი გააკეთა.