ვულვერჰემპტონმა თვალი ჩელსის თავდამსხმელს დაადგა
"ვულვერჰემპტონი" "ჩელსის" თავდამსხმელ ტემი აბრაჰამისადმი იჩენს ინტერესს, იტყობინება Football Insider.
გავრცელებული ინფორმაციით, "მგლები" ზაფხულის სატრანსფერო ბაზარზე 23 წლის ინგლისელისთვის ბრძოლაში "ასტონ ვილას" და "ვესტ ჰემს" გაუწევს კონკურენციას.
2020/21 წლების სეზონში აბრაჰამმა "არისტოკრატთა" მაისურით 31 მატჩი ჩაატარა, 12 გოლი გაიტანა და 6 შედეგიანი პასი გააკეთა.
Transfermarkt-ის ვერსიით, "ჩელსის" ფორვარდის სატრანსფერო ღირებულება 40 მილიონ ევროს შეადგენს.