ლაციო მზად არის ლუის ალბერტო 70 მილიონ ევროდ გაყიდოს
"ლაციომ" ნახევარმცველ ლუის ალბერტოს ფასი დაადო, წერს Il Messaggero.
გავრცელებული ინფორმაციით, რომაულ კლუბს 28 წლის ესპანელთან განშორება არ სურს, მაგრამ პოტენციურ მყიდველებს მისი ფასი შეუთვალა - 70 მილიონი ევრო.
ცნობისთვის, "არწივებთან" ფეხბურთელს მოქმედი კონტრაქტის ვადა 2025 წლის ივნისში ეწურება.
მიმდინარე სეზონში ალბერტომ "ლაციოს" მაისურით 35 მატჩი ჩაატარა, 8 გოლი გაიტანა და 3 შედეგიანი პასი გააკეთა.