ინტერმა მანჩესტერ სიტის ლუკაკუს თაობაზე საბოლოო პასუხი შეუთვალა

"ინტერის" თავდამსხმელი, რომელუ ლუკაკუ "მანჩესტერ სიტიში" არ გადავა, წერს Calciomercato.

გავრცელებული ინფორმაციით, მილანური გრანდი 27 წლის ბელგიელის გაყიდვას არ აპირებს, ამიტომაც "ქალაქელთა" ყველა წინადადება იუარა.

მიმდინარე სეზონში ლუკაკუმ "ნერაძურის" მაისურით 40 მატჩი ჩაატარა, 27 გოლი გაიტანა და 9 შედეგიანი პასი გააკეთა.