სტეკელენბურგი აიაქსში კიდევ ერთ სეზონს გაატარებს
"აიაქსის" გოლკიპერმა, მარტენ სტეკელენბურგმა განაცხადა, რომ გუნდში რჩება.
როგორც De Telegraaf იტყობინება, 38 წლის კარის დარაჯმა ამსტერდამელებთან კონტრაქტი ერთი წლით გაახანგრძლივა.
გამოცდილი მეკარე "აიაქსში" 2020 წლის ზაფხულში დაბრუნდა. ამ სეზონში მან ერედივიზიონში 9 მატჩი ჩაატარა და 5 გოლი გაუშვა.
მიმდინარე გათამაშების დასრულებამდე სამი ტურით ადრე, ერიკ ტენ ჰაგის გუნდმა კლუბის ისტორიაში თავისი 35-ე ჩემპიონობა უკვე გაინაღდა.