ბარსელონამ დეპაის ალტერნატიული ვარიანტი შეარჩია

"ბარსელონას" მთავარი მწვრთნელი, რონალდ კუმანი იმ შემთხვევისთვის, თუ "ლიონის" თავდამსხმელ მემფის დეპაის ვერ შეუთანხმდება, სხვა ვარიანტებს განიხილავს.

აღნიშნულ ინფორმაციას ცნობილი ესპანური გამოცემა Mundo Deportivo ავრცელებს.

ასე და ამგვარად, ერთ-ერთი ვარიანტი "პსვ"-ს შემტევი, დონიელ მალენია. კუმანს 22 წლის ჰოლანდიელის თამაშის სტილი მოსწონს.

ამ სეზონში მალენმა ყველა ტურნირზე ერთად 43 მატჩი ჩაატარა, 25 გოლი გაიტანა და 9 შედეგიანი პასი გააკეთა.