ავტორიზაცია
რატომ დასაჯეს სამტრედია ცარიელი ტრიბუნებითა და ფულადი ჯარიმით?
"სამტრედია" ფეხბურთის ფედერაციამ მკაცრად დასაჯა - ამის შესახებ ინფორმაცია კლუბმა გაავრცელა.
" საქართველოს ფეხბურთის ფედერაციის სადისციპლინო კომიტეტმა მიიღო გადაწყვეტილება, რომლის მიხედვითაც ს.კ. "სამტრედიას" დაეკისრა ფულადი ჯარიმა და ეროვნული ლიგის მომდევნო 3 საშინაო მატჩს მაყურებლის გარეშე ჩაატარებს." - წერია განცხადებაში.
ამ დასჯის მიზეზი კი ეროვნული ლიგის მე-13 ტურში მომხდარი ინციდენტია.
"დინამო ბათუმთან" წაგებულ მატჩში "სამტრედიას" გულშემატკივრები მსაჯს შეურაცხყოფას აყენებდნენ და სხვადასხვა სახის ნივთებს ესროდნენ.
მატჩის შესვენებაზე კი არბიტრს ფიზიკური შეურაცხყოფითაც დაემუქრნენ, თუმცა სიტუაცია პოლიციამ განმუხტა.
