მანჩესტერ იუნაიტედი საუთჰემპტონის თავდამსხმელით ინტერესდება

"მანჩესტერ იუნაიტედი" "საუთჰემპტონის" თავდამსხმელ დენი ინგსით ინტერესდება, იუწყება The Telegraph.

გავრცელებული ინფორმაციით, "ეშმაკუნები" 28 წლის ინგლისელის დამატების შესაძლებლობას იმ შემთხვევისთვის განიხილავენ, თუ "ტოტენჰემის" ფორვარდ ჰარი კეინის ტრანსფერს ვერ გაჩარხავენ.

2020/21 წლების სეზონში ინგსმა "წმინდანების" მაისურით 32 მატჩი ჩაატარა, 13 გოლი გაიტანა და 4 შედეგიანი პასი გააკეთა.

Transfermarkt-ის ვერსიით, "საუთჰემპტონის" ფორვარდის სატრანსფერო ფასი 22 მილიონ ევროს შეადგენს.