ავტორიზაცია
ბარსელონას კონკურენტი გამოუჩნდა — კატალონიურ გრანდში დეპაის ტრანსფერი ჩაშლის პირასაა
"ლიონის" თავდამსხმელის, მემფის დეპაის "ბარსელონაში" ტრანსფერი შეიძლება ჩაიშალოს, იტყობინება Mundo Deportivo.
გავლენიანი ესპანური გამოცემის თანახმად, 27 წლის ჰოლანდიელი კატალონიურ გრანდში არ გადავა, თუ "ლურჯ-ბროწეულისფერთა" მთავარი მწვრთნელი, რონალდ კუმანი სეზონის დასრულების შემდეგ დაკავებულ თანამდებობას დატოვებს.
როგორც აღინიშნება, დეპაის "იუვენტუსიც" ეპატიჟება, რომელიც ფინანსურად უფრო სარფიან წინადადებას სთავაზობს.
2020/21 წლების სეზონში მემფისმა "ლიონის" მაისურით 39 მატჩი ჩაატარა, 22 გოლი გაიტანა და 10 შედეგიანი გადაცემაც ჩაიწერა საკუთარ აქტივში.
დეპაიმ აქამდე ოფიციალურად დაადასტურა, რომ ზაფხულში გუნდიდან თავისუფალი აგენტის სტატუსით წავა.
