ოფიციალურად: ნაპოლიდან გათავისუფლების შემდეგ, გატუზო ახალ კლუბში დაინიშნა

"ფიორენტინამ" გუნდის მთავარი მწვრთნელის პოსტზე ჯენარო გატუზოს დანიშვნა დაადასტურა.

43 წლის სპეციალისტმა ჯუზეპე იაკინი შეცვალა, რომელიც "იებს" მარტიდან ედგა სათავეში.

როგორც ცნობილი იტალიელი ჟურნალისტი, ნიკოლო სკირა იუწყება, ჯენარომ ფლორენციელებთან "2+1" სქემიან კონტრაქტს მოაწერა ხელი.

2020/21 წლების სეზონში "ფიორენტინამ" სერია ა-ს სატურნირო ცხრილში მე-13 ადგილი დაიკავა.

გატუზო "ნაპოლის" 2019 წლის დეკემბრიდან წვრთნიდა. მისი ხელმძღვანელობით გუნდმა გასულ სეზონში სერია ა-ში მე-7 ადგილი დაიკავა, ამ სეზონში კი მე-5 პოზიციაზე გავიდა.

გატუზოს შემცვლელის ვინაობა ცნობილია - ნაპოლი მწვრთნელს უახლოეს დღეებში წარადგენს