ავტორიზაცია
ლილის გოლკიპერი მილანთან 5-წლიან კონტრაქტს მოაწერს ხელს
"ლილის" გოლკიპერმა, მაიკ მენიანმა კარიერა შეიძლება "მილანში" გააგრძელოს, იტყობინება ჟურნალისტი, ფაბრიციო რომანო.
გავრცელებული ინფორმაციით, 25 წლის ფრანგმა მილანელთა ხელმძღვანელობასთან შეთანხმებას მიაღწია.
როგორც აღინიშნება, ფეხბურთელი მილანში უკვე ჩავიდა და უახლოეს პერიოდში 5-წლიან კონტრაქტს მოაწერს ხელს.
სავარაუდოდ, "ლილი" მენიანის სანაცვლოდ 13 მილიონ ევროს მიიღებს, დამატებით 2 მილიონი კი ბონუსების სახით იქნება გათვალისწინებული.
2020/21 წლების სეზონში მენიანმა "ლილის" რიგებში 48 მატჩი ჩაატარა, 38 გოლი გაუშვა და კარი მშრალად 23-ჯერ შეინახა. გუნდთან ერთად იგი საფრანგეთის ჩემპიონი გახდა.
