პსჟ-მ მოიზე კინის ტრანსფერისთვის კონკრეტული თანხა გაამზადა
"ევერტონის" საკუთრებაში მყოფი თავდამსხმელი, მოიზე კინი, რომელიც "პსჟ"-ში იჯარით ირიცხება, შეიძლება პარიზში დარჩეს, წერს ჟურნალისტი, ნიკოლო სკირა.
პარიზელთა სპორტული დირექტორი, ლეონარდო ოფიციალურ შეთავაზებას ამზადებს - საუბარია დაახლოებით 40 მილიონ ევროზე.
თუმცა, როგორც აღინიშნება, "კანფეტების" ხელმძღვანელობა იტალიელის სანაცვლოდ 45-50 მილიონს ითხოვს.
თავად კინს "პსჟ" 5-წლიან კონტრაქტს შესთავაზებს. ფეხბურთელს საფრანგეთის დედაქალაქში დარჩენა სურს.
გასულ სეზონში 21 წლის თავდამსხმელმა ლიგა 1-ში 26 მატჩი ჩაატარა და 13 გოლი გაიტანა.