ევერტონმა თვალი პსვ-ს მცველს დაადგა
"პსვ"-ს მცველმა, დენზელ დამფრისმა კარიერა შეიძლება ინგლისში გააგრძელოს, წერს Voetbal International.
გავრცელებული ინფორმაციით, 25 წლის ჰოლანდიელით "ევერტონი" ინტერესდება.
2020/21 წლების სეზონში დამფრისმა 39 მატჩში მიიღო მონაწილეობა, 4 გოლი გაიტანა და 8 შედეგიანი პასი გააკეთა.
Transfermarkt-ის ვერსიით, ჰოლანდიის ნაკრების უკანახაზელის სატრანსფერო ფასი 16 მილიონ ევროს შეადგენს.