რობერტო მარტინესი: "ლუკაკუ ისეთი ფეხბურთელი აღარ არის, როგორიც სამი წლის წინ იყო"
ბელგიის ნაკრების მთავარმა მწვრთნელმა, რობერტო მარტინესმა ეროვნული გუნდისა და "ინტერის" თავდამსხმელ რომელუ ლუკაკუზე ისაუბრა.
"რომელუ ისეთი ფეხბურთელი აღარ არის, როგორიც სამი წლის წინ იყო. მის წინააღმდეგ თამაში რთული გახდა", - აცხადებს ესპანელი სპეციალისტი.
"ახლა თანაგუნდელებს უფრო მეტ სივრცეს უთავისუფლებს, რაც ნაკრებშიც უნდა გამოვიყენოთ", - ციტირებს მარტინესის სიტყვებს Football Italia.
მოგეხსენებათ, ლუკაკუ "ინტერში" 2019 წელს "მანჩესტერ იუნაიტედიდან" გადაბარგდა.
2020/21 წლების სეზონში 28 წლის ბელგიელმა "ნერაძურის" მაისურით ყველა ტურნირზე ერთად 44 მატჩი ჩაატარა, 30 გოლი გაიტანა და 11 შედეგიანი პასი გააკეთა.
ლუკაკუ: "საკუთარ მომავალთან დაკავშირებით საბოლოო გადაწყვეტილება უკვე მივიღე"