კონტეს უარის შემდეგ, ტოტენჰემი სხვა სპეციალისტზე გადაერთო

"ტოტენჰემი" შესაძლოა პაულო ფონსეკამ ჩაიბაროს, წერს ჟურნალისტი, ნიკოლო სკირა.

გავრცელებული ინფორმაციით, ინგლისურ კლუბს 48 წლის პორტუგალიელი სპეციალისტის კანდიდატურა შესთავაზეს.

ფონსეკა 2019 წლიდან 2021 წლამდე "რომას" ედგა სათავეში. 2020/21 წლების სეზონის დასრულების შემდეგ მან რომაული კლუბი დატოვა.

აქამდე დაიწერა, რომ "ტოტენჰემის" გაწვრთნაზე უარი განაცხადა "ინტერის" ექს-თავკაცმა, ანტონიო კონტემ.