ატალანტა ჩელსის მცველით დაინტერესდა
"ჩელსის" მცველი, დავიდე ძაპაკოსტა, რომელმაც გასული სეზონი იჯარით "ჯენოაში" გაატარა, ლონდონურ კლუბს დატოვებს.
როგორც ჟურნალისტი, ნიკოლო სკირა იტყობინება, 28 წლის იტალიელით "ატალანტა" ინტერესდება.
2020/21 წლების სეზონში ძაპაკოსტამ სერია ა-ში 25 მატჩი ჩაატარა, 4 გოლი გაიტანა და 2 შედეგიანი პასი გააკეთა.
"არისტოკრატებთან" მოქმედი ხელშეკრულების ვადა უკანახაზელს 2022 წლის ზაფხულში ეწურება, მისი სატრანსფერო ფასი Transfermarkt-ის ვერსიით 8 მილიონი ევროა.