ჩალჰანოღლუმ ზღაპრული შეთავაზება იუარა
"მილანის" ნახევარმცველმა, ჰაკან ჩალჰანოღლუმ ყატარული "ალ დუჰაილის" წინადადება იუარა, წერს ჟურნალისტი, ნიკოლო სკირა.
როგორც აღინიშნება, ფეხბურთელს იტალიურ გუნდში სურს კარიერის გაგრძელება.
გავრცელებული ინფორმაციით, ყატარელები თურქს 3-წლიან კონტრაქტს სთავაზობდნენ, სეზონში 8 მილიონ ევროიანი ხელფასით + 8 მილიონი ბონუსების სახით. "მილანთან" მოქმედი ხელშეკრულების ვადა 2021 წლის ზაფხულში ეწურება.
აქამდე არსებული ცნობით, "მილანს" ჩალჰანოღლუს შენარჩუნება უნდა. გასულ სეზონში 27 წლის ნახევარმცველმა ყველა ტურნირზე ერთად 42 მატჩი ჩაატარა, 9 გოლი გაიტანა და 12 შედეგიანი პასი გააკეთა.