ბარსელონაში თამაში მანჩესტერ სიტის კიდევ ერთ ფეხბურთელს სურს და ხელმძღვანელობაზე ზეწოლას ახდენს
"მანჩესტერ სიტის" მცველი, აიმერიკ ლაპორტი კატალონიის "ბარსელონაში" აპირებს გადასვლას, იტყობინება ცნობილი ესპანური გამოცემა Diario Sport.
27 წლის ესპანელს ესმის, რომ კრიზისის პირობებში მისი სატრანსფერო ფასი "ლურჯ-ბროწეულისფერთათვის" ზედმეტად მაღალია, ამიტომაც ამ გარიგებისთვის ხელის შეწყობა მოუწევს.
ლაპორტი "ქალაქელებზე" ზეწოლას ახდენს და "ბარსელონაში" გაშვებას სთხოვს.
"სიტიმ" და "ბარსამ" ამ ზაფხულს შეიძლება ფეხბურთელები გაცვალონ - ამ დროისთვის, პირდაპირი ტრანსფერები ნაკლებად სავარაუდოა.
აქამდე, ინგლისური კლუბიდან ესპანურ კლუბში სერხიო აგუერო და ერიკ გარსია გადავიდნენ, ორივე მათგანი თავისუფალი აგენტის სტატუსით.. "სიტისა" და "ბარსას" შორის კარგი ურთიერთობაა.
ლაპორტმა პრემიერ ლიგის 2020/21 წლების სეზონში 16 შეხვედრაში მიიღო მონაწილეობა.
"ეს ყოველთვის დახურული თემა იყო", - მანჩესტერ სიტი ქალ ფეხბურთელთა მენსტრუალურ ციკლს შეისწავლის