არსენალი ვან დე ბეკის შეძენას არ აპირებს

"არსენალი" "მანჩესტერ იუნაიტედთან" ნახევარმცველ დონი ვან დე ბეკის ტრანსფერზე მოლაპარაკებებს არ აწარმოებს, წერს ჟურნალისტი, ფაბრიციო რომანო.

გავრცელებული ინფორმაციით, "მეთოფეები" ნამდვილად ეძებენ ახალ ნახევარმცველს, თუმცა ჰოლანდიელი მათ შორტ-ლისტში არ ფიგურირებს.

აქამდე დაიწერა, რომ ლონდონელები 24 წლის შუახაზელის ტრანსფერზე "ემიუს" დაუკავშირდნენ.

2020/21 წლების სეზონში ვან დე ბეკმა "მანჩესტერ იუნაიტედის" მაისურით 36 მატჩი ჩაატარა, 1 გოლი გაიტანა და 2 შედეგიანი პასი გააკეთა.

Transfermarkt-ის ვერსიით, მანიკუნიანელთა ფეხბურთელის სატრანსფერო ფასი 30 მილიონ ევროს შეადგენს.