ავტორიზაცია
დე იონგი: "გასულ სეზონში ბარსელონაში მხოლოდ უბრალო ფეხბურთელი ვიყავი"
"ბარსელონასა" და ჰოლანდიის ნაკრების ნახევარმცველმა, ფრენკი დე იონგმა თავისი კატალონიური კარიერა შეაფასა.
"ბარსაში" ჩემი პირველი წელი კარგი იყო, ბევრი ვითამაშე, თუმცა, ვფიქრობ, უბრალო მოთამაშის მეტი არაფერი ვყოფილვარ", - ციტირებს ჰოლანდიელის სიტყვებს Marca.
"ამ წელს თავი უკეთესად წარმოვაჩინე, მაგრამ ვფიქრობ, კიდევ მოსამატებელი მაქვს და უნდა განვვითარდე. ვიმედოვნებ, კიდევ უფრო უკეთეს დე იონგს იხილავთ", - დასძინა "ლურჯ-ბროწეულისფერთა" ფეხბურთელმა.
მოგეხსენებათ, დე იონგმა "ბარსელონასთან" კონტრაქტი 2019 წელს გააფორმა, გუნდს იგი ამსტერდამის "აიაქსიდან" შეუერთდა.
2020/21 წლების სეზონში 24 წლის ნახევარმცველმა "ბლაუგრანას" მაისურით 37 მატჩი ჩაატარა, 3 გოლი გაიტანა და 4 შედეგიანი პასი გააკეთა.
