ავტორიზაცია
"ბარსაში უყოყმანოდ დავიმატებდი", - ეტო'ომ დაასახელა კიდევ ერთი კლუბი, სადაც რამოსის ხილვა სურს
"ბარსელონას" ყოფილმა თავდამსხმელმა, სამუელ ეტო'ომ მცველ სერხიო რამოსის შესახებ ისაუბრა, რომელმაც მადრიდის "რეალი" ოფიციალურად დატოვა.
"მისი "ბარსაში" დამატება რომ შემეძლოს, არც კი ვიყოყმანებდი", - ციტირებს კამერუნელი ვეტერანის სიტყვებს Diario Sport.
"პსჟ"-ს ვგულშემატკივრობ, ასე რომ, იმედი მაქვს, პარიზში აღმოჩნდება. რამოსი გუნდს ჩემპიონთა ლიგის მოგებაში დაეხმარება, რომელიც კლუბს ასე ძვირი უჯდება", - დასძინა ეტო'ომ.
მოგეხსენებათ, 35 წლის ესპანელმა უკანახაზელმა "სამეფო კლუბი", სადაც 16 წელიწადი გაატარა, თავისუფალი აგენტის სტატუსით დატოვა.
