ავტორიზაცია
8 მილიონი ევრო წელიწადში - აშრაფ ჰაკიმის ტრანსფერი ახალ გუნდში მალე დადასტურდება
„პარი სენ-ჟერმენი“ „ინტერის“ მცველის, აშრაფ ჰაკიმის შეძენასთან ახლოსაა.
ინფორმაციას „ტვიტერში“ იტალიელი ჟურნალისტი ნიკოლო სკირა იტყობინება.
ფეხბურთელმა პარიზელებთან პირადი კონტრაქტი უკვე შეათანხმა - „პსჟ-ში“ მაროკოელი მცველი წლიურად 8 მილიონ ევროს მიიღებს, კიდევ 2 მილიონის გამომუშავება კი ბონუსებით შეეძლება.
მაროკოელი „პსჟ-სთან“ კონტრაქტს 2026 წლამდე გააფორმებს, მისი კონტრაქტი გუნდს 70 მილიონი ევრო დაუჯდება.
ასევე ვრცელდებოდა ინფორმაცია, რომ ჰაკიმიზე პრეტენზიას ლონდონის „ჩელსი“ აცხადებდა, რომელიც „ინტერს“ ფულს + ფეხბურთელებს სთავაზობდა. თუმცა, იტალიურ გუნდს პირდაპირ ფულის მიღება ერჩივნა და ამიტომ, უპირატესობა „პსჟ-ს“ შემოთავაზებას მიანიჭა.
