რომა საუთჰემპტონის მცველის ტრანსფერზე მუშაობს
"საუთჰემპტონის" მცველმა, იანიკ ვესტერგორმა კარიერა შეიძლება სერია ა-ში გააგრძელოს, წერს ჟურნალისტი, ნიკოლო სკირა.
გავრცელებული ინფორმაციით, 28 წლის დანიელით "რომა" ინტერესდება. იტალიურმა კლუბმა "წმინდანებთან" მოლაპარაკებები დაიწყეს.
გასულ სეზონში ვესტერგორმა პრემიერ ლიგაში 30 მატჩი ჩაატარა, 3 გოლი გაიტანა და ერთი ყვითელი ბარათი მიიღო.
ევრო 2020-ზე მცველმა დანიის ნაკრების 6 შეხვედრაში მიიღო მონაწილეობა. Transfermarkt-ის ვერსიით, მისი სატრანსფერო ფასი 18 მილიონ ევროს შეადგენს.