"მარსიალი ვარსკვლავია?!" - კურტუას სთხოვეს, დაესახელებინა 3 ვარსკვლავი, რომელიც ევრო 2020-ს ტოვებს, თუმცა მან მხოლოდ ერთი დაასახელა
ბელგიის ნაკრების და მადრიდის „რეალის“ მეკარის, ტიბო კურტუას აზრით, ფრანგი ანტონი მარსიალი ვარსკვლავი არ არის.
თანამემამულე იან ვერტონგენთან საუბრის დროს, კურტუას სთხოვეს, დაესახელებინა სამი ვარსკვლავი, რომელიც ევრო 2020-ს ტოვებს. კურტუამს ამის ნაცვლად მხოლოდ ერთ დაასახელდა: სერხიო რამოსი.
თავის მხრივ, ვერტონგენმა თავის სიაში ანტონი მარსიალი დაასახელა, რაზეც კურტუამ უპასუხა: „მარსიალი ვარსკვლავია?“
ევრო 2020-ზე ბელგიის ნაკრები მეოთხედფინალამდე მივიდა, სადაც იტალიასთან 2:1 დამარცხდა და ტურნირს გამოეთიშა.
რაც შეეხება მარსიალს, ის „მანჩესტერ იუნაიტედში“ 2015 წელს, „მონაკოდან“ გადავიდა, რომელშიც ორი წელი გაატარა.