ბეშიქთაში ლესტერის თავდამსხმელის ტრანსფერის დახურვასთან ახლოს არის

"ბეშიქთაში" "ლესტერის" თავდამსხმელის, რაშიდ გეზალის შეძენას გეგმავს, რომელმაც გასული სეზონი იჯარის წესით სწორედ თურქულ კლუბში გაატარა.

აღნიშნულ ინფორმაციას ცნობილი იტალიელი ჟურნალისტი, ნიკოლო სკირა ავრცელებს.

"ბეშიქთაშში" 29 წლის ალჟირელით კმაყოფილები არიან და მას 3-წლიან კონტრაქტს სთავაზობენ, სეზონში 2,5 მილიონ ევროიანი ხელფასით, დამატებით ნახევარ მილიონს კი ბონუსების სახით.

2020/21 წლების სეზონში გეზალმა სტამბულელთა მაისურით 35 მატჩი ჩაატარა, 8 გოლი გაიტანა და 18 შედეგიანი პასი გააკეთა.