"მისი ფანი ვარ, მაგრამ ძალიან, ძალიან ძვირი ღირს", - ნაგელსმანმა იუვენტუსის შემტევი შეაქო

„ბაიერნის“ მთავარმა მწვრთნელმა, იულიან ნაგელსმანმა, „იუვენტუსის“ და იტალიის ნაკრების შემტევზე ისაუბრა.

პრესაში ბევრი იწერება, რომ „ბაიერნი“ ფედერიკო კიეზას შეძენით აქტიურად ინტერესდება. თუმცა, ჟურნალისტი ფაბრიციო რომანო ერთხმად ამტკიცებს, რომ „იუვე“ მის გაყიდვას არ აპირებს.

კიეზას გულშემატკივარი ხართ?

„დიახ, ის ძალიან კარგია, მაგრამ ასევე ძალიან ძვირი ღირს (იცინის). ის შესანიშნავი ფეხბურთელია. დიდი ხანია მას ვიცნობ და საუცხოო მოთამაშედ მივიჩნევ. ის ძალიან სწრაფია, კარგ დრიბლინგს ფლობს და შეტევის ჩინებულად დასრულება შეუძლია.

თუმცა, გავიმეორებ, რომ მას ძალიან, ძალიან ძვირი ფასი ადევს.“ - აღნიშნა ნაგელსმანმა.

ამ ევროპის ჩემპიონატზე ფედერიკო კიეზამ 6 მატჩში მიიღო მონაწილეობა და ორი გოლი გაიტანა.