ნუნუ ეშპირიტუ სანტუმ სამიზნეში თავისი ორი ყოფილი შეგირდი ამოიღო
„ტოტენჰემის“ ახალმა მწვრთნელმა გუნდში პირველი სამიზნეები დაისახა.
talkSPORT-ის ინფორმაციით, ნუნუ ეშპირიტუ სანტუს „ტოტენჰემში“ თავისი ორი ყოფილი შეგირდის ხილვა სურს.
საუბარია „ვულვზის“ ფეხბურთელებზე: ვილი ბოლიზე და დანიელ პოდენსეზე - ესპირიტუ სანტუმ ხელმძღვანელობას ამ ორი ფეხბურთელის გადმოყვანის თხოვნით მიმართა.
შეგახსენებთ, რომ პორტუგალიელმა „ტოტენჰემი“ რამდენიმე კვირის წინ, ოფიციალურად ჩაიბარა, მისი უკანასკნელი სამუშაო ადგილი „ვულვერჰემპტონი“ იყო, რომელიც მან სეზონის ბოლოს დატოვა.