მილანში გადასვლის წინ, მონაკოს მცველის სამედიცინო შემოწმება ჩაიშალა

"მილანში" გადასვლის წინ, "მონაკოს" მცველ ფოდე ბალო-ტურეს სამედიცინო შემოწმება ჩაიშალა, წერს Calciomercato.

გავრცელებული ინფორმაციით, ვარაუდობდნენ, რომ 24 წლის ფრანგი შემოწმებას 17 ივლისის დილას გაივლიდა, თუმცა ეს არ მოხდა. 

როგორც აღინიშნება, კლუბებს ტრანსფერის ზოგიერთი დეტალი ჯერ კიდევ შესათანხმებელი აქვთ.

2020/21 წლების სეზონში ბალო-ტურემ "მონაკოს" რიგებში 29 მატჩი ჩაატარა და 5 შედეგიანი პასი გააკეთა.