ჩელსის ცენტრალური მცველი კრისტალ პალასში გადავიდა

"ჩელსის" ცენტრალურმა მცველმა, მარკ გუეიმ "კრისტალ პალასთან" გააფორმა კონტრაქტი, წერს კლუბის ოფიციალური საიტი.

21 წლის ინგლისელმა სამედიცინო შემოწმება გაიარა და "არწივებთან" 5-წლიან ხელშეკრულებას მოაწერა ხელი.

გუეიმ გასული სეზონი იჯარით ჩემპიონშიპში გაატარა, სადაც "სუონსის" ღირსება დაიცვა და 43 მატჩში მიიღო მონაწილეობა.