მანჩესტერ იუნაიტედი ვარანს პირად კონტრაქტზე შეუთანხმდა

"რეალის" მცველი, რაფაელ ვარანი "მანჩესტერ იუნაიტედში" გადასვლასთან ახლოსაა, წერს ჟურნალისტი, ნიკოლო სკირა.

გავრცელებული ინფორმაციით, 28 წლის ფრანგმა ინგლისურ კლუბთან პირადი კონტრაქტის პირობები შეათანხმა.

ასე და ამგვარად, ხელშეკრულება 2026 წლის ზაფხულამდე იქნება გათვლილი, თავად ფეხბურთელი კი წლიურად 12 მილიონ ევროს გამოიმუშავებს.

ვარანი "რეალში" 2011 წლის ზაფხულიდან ირიცხება. გასულ სეზონში მან 41 მატჩი ჩაატარა და 2 გოლი გაიტანა.