მანჩესტერ იუნაიტედმა ჯეიდონ სანჩოს ტრანსფერი ოფიციალურად დაადასტურა

„მანჩესტერ იუნაიტედმა“ ოფიციალურ ვებ-გვერდზე დორტმუნდის „ბორუსიას“ შემტევის, ჯეიდონ სანჩოს ტრანსფერი დაადასტურა.

გერმანულ გუნდთან შეთანხმების შესახებ მანკუნიანელებს აქამდეთ გამოცხადებული ჰქონდათ, თუმცა ახლა ფეხბურთელმა სამედიცინო შემოწმებაც გაიარა და ყველა საჭირო საბუთსაც მოაწერა ხელი. ამრიგად, ის უკვე ოფიციალურად არის „მანჩესტერ იუნაიტედის“ ფეხბურთელი.

21 წლის „იუნაიტედთნ“ 5-წლიანი კონტრაქტი გააფორმა, 2026 წლის ზაფხულამდე. შეთანხმება ხელშეკრულების კიდევ ერთი წლით გახანგრძლივებასაც ითვალისწინებს.

ტრანსფერის თანხას „იუნაიტედი“ არ ასახელებს, მაგრამ ცნობილია, რომ ინგლისელები „ფუტკრებს“ 85 მილიონ ევროს გადაუხდიან.

სანჩო „უოტფორდის“ და „მანჩესტერ სიტის“ აღზრდილია, პროფესიონალურ ფეხბურთში მისი დებიუტი კი „ბორუსია დორტმუნდში“ 2017 წელს შედგა.

ინგლისის ნაკრებში სანჩოს 2018 წლიდან იძახებენ. გასულ სეზონში მან ბუნდესლიგის 26 მატჩში 8 გოლი და 11 საგოლე გადაცემა მიითვალა.