პსჟ-ს ინტერესის დასაფრთხობად - მილანი მარცხენა მცველს ახალ კონტრაქტს შესთავაზებს
„მილანს“ სურს, თავის ერთ-ერთ წამყვან ფეხბურთელს კონტრაქტი გაუხანგრძლივოს.
იტალიელი ჟურნალისტების ინფორმაციით, „როსონერი“ ტეო ერნანდესისთვის ახალი კონტრაქტის შეთავაზებას აპირებს, რა თქმა უნდა გაუმჯობესებული ხელფასით.
ამჟამად ფრანგი მცველი „პარი სენ-ჟერმენის“ ყურადღებას იპყრობს, ხელფასის გაუმჯობესებით კი „მილანს“ სურს ფეხბურთელს მის მნიშვნელობაზე გაუსვას ხაზი და „სან სიროზე“ დარჩენაში დაარწმუნოს.
ცნობისთვის, „პსჟ-მ“ ტეოს შეძენისკენ ერთი ნაბიჯი აქამდე უკვე გადადგა - „მილანს“ 40 მილიონი ევრო შესთავაზა, თუმცა იტალიურმა გუნდმა ფეხბურთელის „პარკ დე პრენსზე“ გაშვება იუარა.