ავტორიზაცია
რობერტო კარლოსმა ევრო 2020-ს საუკეთესო ფეხბურთელი დაასახელა
ლეგენდარულმა ბრაზილიელმა მცველმა, რობერტო კარლოსმა, ევრო 2020-ს საუკეთესო ფეხბურთელი დაასახელა.
„ტურნირის საუკეთესო ფეხბურთელი ლუკ შოუ იყო, მან ასე უნდა გააგრძელოს, რაც ყველაზე მნიშვნელოვანია.
ევრო 2020-ს ყველა შეხვედრას ვუყურე და ინგლისის ნაკრები ძალიან კარგად გამოიყურებოდა. მარცხი - თამაშის ნაწილია და იმედი მაქვს, ისინი მსოფლიო ჩემპიონატზეც კარგად იასპარეზებენ.
თუ ისინი ამ სტანდარტის შესაბამისები იქნებიან, თასის მოგებასაც შეძლებენ.“ - აღნიშნა ბრაზილიელმა ექს-ფეხბურთელმა.
ინგლისის ნაკრები ევროპის ჩემპიონატზე ფინალამდე მივიდა, სადაც იტალიასთან პენალტების სერიაში დამარცხდა.
ლუკ შოუმ ამ ტურნირზე 6 მატჩი ჩაატარა, რომლებშიც 1 გოლი და 3 საგოლე გადაცემა მიითვალა.
