პოტენციური მსურველების დასაფრთხობად, ვილა ემი მარტინესს ახალ კონტრაქტს შესთავაზებს

„ასტონ ვილა“ მზადაა, არგენტინელ გოლკიპერს, ემილიანო მარტინესს ახალი კონტრაქტი შესთავაზოს, რათა პოტენციური მსურველები გზიდან მოიშოროს.

28 წლის გოლკიპერს „ვილა პარკზე“ სადებიუტო სეზონი ძალიან კარგი გამოუვიდა - „არსენალიდან“ წასვლის შემდეგ მან გუნდის სასტარტოში ადგილი დაიბევა, ზაფხულში კი კოპა ამერიკა მოიგო და თანაც ისე, რომ ლეო მესისთან ერთად, გუნდის ერთ-ერთი წამყვანი ფეხბურთელი იყო.

მისმა თამაშმა არაერთი ევროპული გრანდის ყურადღება მიიქცია, თუმცა „ვილა“ მზადაა, ფეხბურთელს ახალი კონტრაქტი და გაუმჯობესებული ხელფასი შესთავაზოს, რათა არგენტინელი გუნდიდან წასვლაზე არ დაფიქრდეს.