ანჩელოტი ყოფილი შეგირდის დამატებაზე უარს არ იტყვის
"ევერტონის" თავდამსხმელმა, რიშარლისონმა კარიერა შეიძლება ესპანეთში გააგრძელოს.
როგორც Transfermarkt იტყობინება, ბრაზილიის ნაკრების ფეხბურთელით "რეალია" დაინტერესებული.
გავრცელებული ცნობით, მადრიდელთა მთავარი მწვრთნელი, კარლო ანჩელოტი 24 წლის სამხრეთამერიკელს უკვე ესაუბრა.
2020/21 წლების სეზონში რიშარლისონმა "ევერტონის" რიგებში 40 მატჩი ჩაატარა, 13 გოლი გაიტანა და 3 შედეგიანი პასი გააკეთა.
მოგეხსენებათ, გასულ სეზონში "კანფეტებს" სათავეში სწორედ ანჩელოტი ედგა, რომელიც ამ ზაფხულს "რეალში" დაბრუნდა.