კრისტალ პალასმა კლაინს ახალი კონტრაქტი გაუფორმა
"კრისტალ პალასმა" ოფიციალური საიტის მეშვეობით მცველ ნათანიელ კლაინთან კონტრაქტის გახანგრძლივება დაადასტურა.
ახალი ხელშეკრულების თანახმად, 30 წლის ფეხბურთელი ლონდონურ კლუბში 2021/22 წლების სეზონის ბოლომდე დარჩება.
აღსანიშნავია, რომ ინგლისელი ფეხბურთელი 1 ივლისიდან თავისუფალი აგენტი გახლდათ.
კლაინი "კრისტალ პალასის" აღზრდილია. მშობლიურ კლუბში იგი 2020 წლის შემოდგომაზე "ლივერპულთან" კონტრაქტის ვადის ამოწურვის შემდეგ დაბრუნდა.