ვესტ ჰემი ფიორენტინას მცველში 18 მილიონ ევროს იხდის

"ვესტ ჰემი" "ფიორენტინას" მცველ ნიკოლა მილენკოვიჩისადმი იჩენს ინტერესს, წერს ჟურნალისტი, ნიკოლო სკირა.

გავრცელებული ინფორმაციით, ინგლისური კლუბი მზად არის სერბეთის ნაკრების 23 წლის უკანახაზელში 18 მილიონი ევრო გადაიხადოს.

თავად ფეხბურთელს "ჩაქუჩები" 4-წლიან კონტრაქტს სთავაზობენ, სეზონში 2,5-მილიონიანი ხელფასით. მოქმედი ხელშეკრულების ვადა მილენკოვიჩს "იებთან" 2022 წლის ზაფხულში ეწურება.

გასულ სეზონში "ფიორენტინას" მცველმა ყველა ტურნირზე ერთად 37 მატჩი ჩაატარა, 3 გოლი გაიტანა და 1 ასისტიც მიითვალა.