ავტორიზაცია
ესეც ასე — უკვე ცნობილია, თუ როდის შედგება ლეო მესის დებიუტი პსჟ-ში
"პსჟ"-ს ახალი სუპერვარსკვლავის, ლიონელ მესის დებიუტი საფრანგეთის ჩემპიონატის მე-4 ტურში "რეიმსთან" 29 აგვისტოს გასამართ მატჩში შედგება, იტყობინება Sky Sports.
როგორც ავტორიტეტული გამოცემა წერს, 34 წლის არგენტინელი შვებულების შემდეგ ფორმაში ჯერ კიდევ არ ჩამდგარა.
მოგეხსენებათ, მესიმ "პარი სენ ჟერმენთან" ორწლიანი კონტრაქტი 10 აგვისტოს გააფორმა, თანამშრომლობის კიდევ ერთი სეზონით გაგრძელების შესაძლებლობით. 12 აგვისტოს, ლეომ ახალ გუნდში პირველი ვარჯიში ჩაატარა.
მესი "ბარსელონას" აღზრდილია, რომლის პირველ გუნდშიც 2004 წლიდან ირიცხებოდა. კატალონიურ გრანდთან ლეოს კონტრაქტი 1 ივლისს ამოეწურა.
მხარეებმა 5 აგვსტოს დაადასტურეს, რომ მიუხედავად თანამშრომლობის გაგრძელების ორმხრივი სურვილისა, ლა ლიგის ფინანსური წესების გამო ახალი ხელშეკრულება ვერ გააფორმეს.
