ავტორიზაცია
მოურინიო: "ერთადერთი მწვრთნელი, ვინც თავისი შემადგენლობით ბოლომდე კმაყოფილია, პოჩეტინოა"
"რომას" მთავარმა მწვრთნელმა, ჟოზე მოურინიომ მიმდინარე სატრანსფერო ფანჯარაზე შესაძლო გარიგებების შესახებ ისაუბრა.
"როცა ვამბობ, ბაზარზე შეიძლება ყველაფერი მოხდეს-თქო, ვგულისხმობ, რომ კარი იღება როგორც შესასვლელად, ისევე გამოსასვლელად. თუმცა, დიდი ალბათობით, ახლა უფრო ვიღაც დაგვტოვებს".
"იცით თუნდაც ერთი მწვრთნელი, ვინც თავისი შემადგენლობით ბოლომდე კმაყოფილია? შეიძლება, პოჩეტინო, მაგრამ არა სხვები!", - ციტირებს მოურინიოს სიტყვებს Sky Sport Italia.
შეგახსენებთ, ამ ზაფხულს "პარი სენ ჟერმენმა" არაერთი ვარსკვლავი დაიმატა, მათ შორის არიან: ჯანლუიჯი დონარუმა, სერხიო რამოსი, აშრაფ ჰაკიმი, ჟორჟინიო ვეინალდუმი და ლიონელ მესი.
