ოფიციალურად: მუსა სისოკო ტოტენჰემიდან პრემიერ ლიგის სხვა გუნდში გადავიდა

ლონდონის "ტოტენჰემის" ფრანგი ნახევარმცველი, მუსა სისოკო კარიერას "უოტფორდის" რიგებში გააგრძელებს.

როგორც "ონავრების" ოფიციალური საიტი იტყობინება, 31 წლის მოთამაშემ კლუბთან 2-წლიან კონტრაქტს მოაწერა ხელი.

ავტორიტეტული ბრიტანული გამოცემა Sky Sports-ი ტრანსფერის ფასსაც ასახელებს.

გავრცელებული ინფორმაციით, "დეზებმა" ფეხბურთელის სანაცვლოდ 2,5 მილიონი ფუნტი მიიღეს.

2020/21 წლების სეზონში სისოკომ ყველა ტურნირზე ერთად 42 მატჩში მიიღო მონაწილეობა, ერთი გოლი გაიტანა და ერთი შედეგიანი გადაცემა გააკეთა.

დეტალები ცნობილია — კეინი ტოტენჰემში დარჩა, თუმცა ხელფასის გაზრდას ითხოვს