რუნი: "იუნაიტედი რონალდუს სიტიში გადასვლას არ დაუშვებდა"
„მან იუნაიტედის“ ექს-ფეხბურთელმა და „დერბის“ ამჟამინდელმა მწვრთნელმა, უეინ რუნიმ, „წითელ ეშმაკებში“ კრიშტიანუ რონალდუს დაბრუნება შეაფასა.
„კრიშტიანუ დღემდე მსოფლიოში ერთ-ერთ საუკეთესო ფეხბურთელია. ის ყველა გუნდში იგებდა ტიტულებს, სადაც თამაშობდა, ეს ძალიან მაგარი იქნება.
რონალდუს დღემდე სურს საუკეთესო იყოს. დარწმუნებული ვარ, ის ამ სეზონში გუნდზე დიდ გავლენას მოახდენს.
ოლე გუნარ სოლსკიაერი ხვდება, რომ უკვე დროა დაიწყოს ტიტულების მოგება იმ ფეხბურთელებთან ერთად, რომლებიც მის დროს იყვნენ შეძენილნი. კლუბს ტიტულები სჭირდება, რათა განვითარებაში შემდეგი ნაბიჯი გადადგას.“ - ციტირებს რუნის სიტყვებს Metro.
„რონალდუს სიტიში გადასვლა არასწორი იქნებოდა. არ მჯეროდა, რომ ეს მოხდება. ფეხბურთელის აგენტმა თავისი საქმე შეასრულა - „იუნაიტედი“ კრიშტიანუს „სიტიში“ გადასვლას არ დაუშვებდა.“ - დაასრულა ინგლისელმა.
