ავტორიზაცია
ტრანსფერი იხურება, თუმცა მომავალი ზაფხულისთვის — ონანას ახალი გუნდი ცნობილია
ამსტერდამის "აიაქსის" გოლკიპერი, ანდრე ონანა 2022 წლის ზაფხულში თავისუფალი აგენტის სტატუსით მილანის "ინტერში" გადავა.
როგორც იტალიურ პრესაში იწერება, 25 წლის კამერუნელი ჰოლანდიურ კლუბთან კონტრაქტს არ გაახანგრძლივებს, ამიტომაც 2021/22 წლების სეზონის ბოლოს თავისუფალი აგენტი გახდება და უფასოდ "ნერაძურის" შეუერთდება.
აღინიშნება, რომ მილანელებმა აფრიკელ გოლკიპერთან მოლაპარაკებები უკვე გამართეს და მას 4-წლიანი კონტრაქტიც შესთავაზეს.
ცნობისთვის, 2021 წლის თებერვლიდან ონანა დოპინგის გამო 9-თვიან დისკვალიფიკაციას იხდის და მინდორზე დაბრუნებას მხოლოდ 4 ნოემბრიდან მოახერხებს.
Transfermarkt-ის ვერსიით, "აიაქსის" კარის დარაჯის სატრანსფერო ღირებულება ამჟამად 30 მილიონ ევროს შეადგენს.
