"საკუთარ თავზე დიდი წარმოდგენა აქვს", - ბუფონი რონალდუს იუვენტუსიდან წასვლას ეხმაურება
"პარმას" გოლკიპერმა, ჯანლუიჯი ბუფონმა ყოფილი თანაგუნდელის, კრიშტიანუ რონალდუს შესახებ ისაუბრა, რომელიც ამ ზაფხულს "იუვენტუსიდან" "მანჩესტერ იუნაიტედში" გადავიდა.
"ვფიქრობ, გულშემატკივრებს არაფერი არ უნდა გაუკვირდეთ. რონალდუს წარმოუდგენელი დონის პროფესიონალის რეპუტაცია აქვს. კრიშტიანუს საკუთარ თავზე დიდი წარმოდგენა აქვს და ამის ყველანაირი საფუძველი გააჩნია".
"იუვენტუსში" გატარებულ სამ წელიწადში ბევრი გააკეთა, ბრწყინვალედ ითამაშა და ბევრი გოლი გაიტანა. წასვლის თაობაზე მის გადაწყვეტილებაში არალოგიკურს ვერაფერს ვხედავ, ამაზე ბევრს ფიქრობდა".
"იუვენტუსი" გარდამავალ ფაზაშია. არ ვიცი, ეს თაობათა ცვლითაა გამოწვეული თუ რითი. როცა ასეთი რაღაცები ხდება, რაღაცის დაკარგვა გიწევს".
"როდესაც გუნდს ისეთი მწვრთნელი ჰყავს, როგორიც მასიმილიანო ალეგრია, შეიძლება მიზანს ვერ მიაღწიოს, მაგრამ ამასთან მაქსიმალურად ახლოს იქნება", - ციტირებს ბუფონის სიტყვებს Radio anch’io Sport.
