"რონალდუს დაბრუნება მანჩესტერ იუნაიტედისთვის პრობლემაა", - ბერბატოვმა მიზეზი ახსნა

"მანჩესტერ იუნაიტედის" ყოფილი თავდამსხმელი, დიმიტარ ბერბატოვი გუნდში ფორვარდ კრიშტიანუ რონალდუს დაბრუნებას გამოეხმაურა.

"ეს "ემიუსთვის" პრობლემაა, ფუფუნების პრობლემა. როცა გუნდში უკვე არიან სანჩო, რეშფორდი, გრინვუდი, მარსიალი და კავანი, მათ კიდევ რონალდუც ემატება, როგორ უნდა გააკეთო ისე, რომ ყველა დანარჩენი ბედნიერი იყოს? ეს შესაძლებელია, მაგრამ ამავდროულად პრაქტიკულად არარეალურიც".

"ყოველთვის იქნება ვიღაც სათამაშო დროით უკმაყოფილო. ახლა მწვრთნელის ამოცანაა გაუმკლავდეს ყველა კავშირს, ყველას მისცეს სათამაშო დრო და ისე გააკეთოს, რომ ყველა ბედნიერი იყოს. შემადგენლობაში როტაცია იქნება, მაგრამ ველი, რომ მნიშვნელოვან მატჩებში სასტარტოში რონალდუ მოგვევლინება".

"როცა რაღაც ვერ ლაგდება, საჭიროა ვიღაც ის განსაკუთრებული, ვინც თამაშში ნაპერწკალის შეტანა და გამარჯვებაში დახმარება შეუძლია", - ციტირებს ბერბატოვის სიტყვებს Goal.

რონალდუ "ემიუში" 2021 წლის აგვისტოს ბოლოს "იუვენტუსიდან" გადავიდა. 36 წლის პორტუგალიელს "ეშმაკუნების" რიგებში უკვე უასპარეზია - 2003 წლიდან 2009 წლამდე.

"ისე არ გაუადვილდება, როგორც ესპანეთსა და იტალიაში", - რუნი რონალდუს შესახებ